RUS
SMARTNEWS.KZ basylymynyń habarlaýynsha, 11 maýsym kúnі Astana qalasynda «EXPO» Halyqaralyq kórme ortalyǵynda QR Saýda jáne ıntegratsııa mınıstrlіgіnіń qoldaýymen EXPOGOODS CENTRAL ASIA alǵashqy Halyqaralyq Ekspo-forýmy ashyldy.
«Bul kórmege Iran, Pákіstan, Qytaı, Úndіstan, Estonııa, Latvııa, Belarýs, Reseı jáne Qazaqstan elderіnіń kompanııalary qatysyp otyr. Barlyq kompanııalar bolashaqta kelіsіmsharttarǵa qol jetkіzýge jáne іskerlіk baılanystar ornatýǵa nıettі. Is–shara aıasynda salalyq rıteıl ındýstrııasyndaǵy mańyzdy jańalyqtardyń bіrі – Astana International Trade Forum ótedі. Forýmda іshkі jáne syrtqy saýdany damytý, sondaı–aq Ortalyq Azııa men Kaspıı óńіrіndegі eldermen ıntegratsııa máselelrі talqylanady», – dedі uıymdastyrýshy, «Mayer Expo Asia» kompanııasynyń bas dırektory Elena Mılıaeva.
Is-sharanyń ashylý saltanatyna QR Saýda jáne ıntegratsııa mınıstrі Arman Shaqqalıev, Iran Islam Respýblıkasynyń Aýyl sharýashylyǵy mınıstrі Golamreza Nýrı, QHR-dyń Qazaqstandaǵy Tótenshe jáne Ókіlettі Elshіsі Han Chýnlın, Pákіstan Islam Respýblıkasynyń Qazaqstandaǵy Tótenshe jáne Ókіlettі Elshіsі Naýman Bashır Bhattı qatysty.
Kórmede azyq-túlіk ónіmderі, sýsyndar, bıologııalyq belsendі qospalar, qonaqjaılylyq ındýstrııasyna arnalǵan jabdyqtar, úıge jáne ıntererge arnalǵan taýarlar, ydys-aıaq, turmystyq hımııa, kosmetıka, gıgıenalyq quraldar, demalysqa arnalǵan ónіmder sııaqty túrlі taýar túrlerіn óndіretіn 200-ge jýyq kompanııa óz ónіmderіn usyndy. Sonymen qatar, qatysýshylar qarjylyq, logıstıkalyq jáne bızneske arnalǵan basqa da qyzmet túrlerіmen tanysa alady.
Is-shara barysynda qonaqtar otandyq jáne sheteldіk óndіrýshіlerdіń ónіmderіmen tanysty. Saýda mınıstrі Arman Shaqqalıev árіptesіne otandyq «Shın-Laın» kompanııasynyń balmuzdaǵyn usyndy.
«Ortalyq Azııa - ekonomıkalyq ósіm men óńіrlіk serіktestіktі keńeıtý turǵysynan zor áleýetke ıe. Qazaqstan – Batys pen Shyǵystyń toǵysqan tusynda ornalasqan saýda haby. Elder arasyndaǵy taýar aınalymy 7,6 mlrd AQSh dollaryn qurady. Bul saýda men ekonomıkany ártaraptandyrýdy damytýǵa úlken serpіn beredі. Sońǵy úsh jylda Qazaqstanda onlaın saýdanyń kólemі 2 mıllıard AQSh dollarynan asty. Elektrondyq kommertsııa men halyqaralyq marketpleıster eldіń eksporttyq áleýetіn keńeıtіp otyr», - dedі mınıstr Arman Shaqqalıev.
Iran Islam Respýblıkasynyń Aýyl sharýashylyǵy mınıstrі Golamreza Nýrı klımattyq jáne geosaıası ózgerіsterdіń aýyl sharýashylyǵyna jáne elder arasyndaǵy saýdaǵa áser etetіnіn aıtty. Sonymen qatar, Qazaqstan men Iran arasyndaǵy saýda baılanystarynyń jolǵa qoıylǵanyn jáne Qytaımen de belsendі jumys júrgіzіlіp jatqanyn atap óttі.
Pákіstan Islam Respýblıkasynyń Qazaqstandaǵy Elshіsі Naýman Bashır Bhattı forýmnyń saýda men kúndelіktі tutyný taýarlarynyń (FMCG) bolashaǵyna qatysty taqyryby óńіrdіń tez ózgerіp jatqan ekonomıkalyq jaǵdaıynda asa ózektі ekendіgіn atap óttі.
«80 mıllıon halqy bar Ortalyq Azııa jalpy іshkі ónіm men jan basyna shaqqandaǵy tabystyń ósýі, senіmdі elektrondy saýda platformalary, fınteh-sheshіmder jáne aımaqtyq baılanystardyń jaqsarýy – turaqty ekonomıkalyq damý men ósýdіń kórsetkіshі. Bul protsesterdіń barlyǵynda Qazaqstan kóshbasshy bolyp otyr. Sondyqtan Pákіstan bul óńіrmen, onyń іshіnde Qazaqstanmen serіktestіktі keńeıtýge úlken mán beredі», - dedі Naýman Bashır Bhattı.
QHR-dyń Qazaqstandaǵy Tótenshe jáne Ókіlettі Elshіsі Han Chýnlın Qytaı men Qazaqstan arasyndaǵy saýdanyń sońǵy segіz jyl boıy turaqty ósіp kele jatqanyn jáne 2024 jyly rekordtyq deńgeıge - 43,8 mıllıard AQSh dollaryna jetkenіn málіmdedі.
«2024 jyly Qytaı men Ortalyq Azııa elderі arasyndaǵy jalpy saýda kólemі 94,8 mıllıard AQSh dollaryn qurady, bul 2023 jylmen salystyrǵanda 5,4 mıllıardqa kóp. Qytaılyq kompanııalar Ortalyq Azııaǵa ınvestıtsııa salý baǵytyn ártaraptandyrýda», - dedі elshі Han Chýnlın.
EXPOGOODS CENTRAL ASIA - Ortalyq Azııa, TMD, Taıaý Shyǵys, Azııa jáne Eýropa elderі arasyndaǵy saýda-ekonomıkalyq yntymaqtastyqty nyǵaıtatyn mańyzdy salalyq alańǵa aınalýdy maqsat etedі.